تعليم الإنجليزية للأطفال 6-9 سنوات | خطة شاملة
لو طفلك بين 6 و9 سنين، وبتلاحظي إنه بيحفظ كلمات الإنجليزي للامتحان وبعدين بينساها بسرعة، فده مش معناه إنه مش فاهم أو مش شاطر… ده غالبًا معناه إن المشكلة مش في الطفل، لكن في طريقة التأسيس اللي اتبنت بيها اللغة من البداية.
المرحلة دي تعتبر من أهم مراحل تعليم الإنجليزية للأطفال، لأنها الفترة اللي بيتكوّن فيها الأساس الحقيقي للنطق والقراءة وفهم الجمل ولو الأساس ده اتبنى صح، هتلاحظي إن طفلك:
- بيقرأ بثقة أكبر
- بينطق أوضح
- بيكوّن جمل بسيطة لوحده
- بيعتمد أقل على الحفظ
لكن لو التأسيس ضعيف، الطفل هيفضل يعتمد على الحفظ بدون فهم، وده بيخليه يواجه صعوبة في أي مرحلة بعد كده، وفي المقال ده هتلاقي دليل عملي يساعدك تفهمي طريقة تعليم الإنجليزية للأطفال وإزاي تطوري مستواه، وليه السن ده فرصة ذهبية، وإزاي الأدوات والكورسات التعليمية ممكن تفرق معاه بشكل كبير.
ليه سن 6–9 سنوات هو الفرصة الذهبية لتعلم الإنجليزي؟
في المرحلة العمرية دي، الطفل بيكون داخل على فترة مهمّة جداً في تكوين اللغة عنده، وبيكون عنده استعداد طبيعي إنه يستقبل معلومات جديدة ويحوّلها لمهارة فعلية مش مجرد حفظ، ودي الأسباب اللي بتخلي السن ده من أقوى مراحل التأسيس اللغوي:
قدرة تركيز أعلى: الطفل في السن ده بيقدر يركز من 15 لـ 20 دقيقة على نشاط واحد، وده بيخلي التعلم أكثر فعالية مقارنة بسن أصغر.
بداية القراءة في المدرسة: لما الطفل يبدأ يقرأ عربي، بيكون مستعد يفهم فكرة إن كل حرف له صوت، وده بيخليه مؤهل لتعلم الـ Phonics في الإنجليزي بسهولة أكبر.
حب الإنجاز والتشجيع: في المرحلة دي الطفل بيحب يحس إنه “نجح”، فكل كلمة يقرأها صح أو تمرين يحله بيكون دافع قوي إنه يكمل.
استيعاب القواعد البسيطة: مفاهيم بسيطة زي ترتيب الجملة أو اختلاف نطق الحروف بتبدأ تتفهم مع التكرار مش الحفظ.
كمان في المرحلة دي الأهداف الواقعية بتكون واضحة وبسيطة وهي إن:
- الطفل يعرف ويستخدم من 200 لـ 400 كلمة بشكل فعلي.
- يقدر يقرأ جمل بسيطة من غير مساعدة.
- يبدأ يعبر عن نفسه بجمل قصيرة عن يومه أو حياته بالإنجليزي.
استكشفي أيضا: أفضل كتب تعليم الإنجليزية للأطفال من 6 إلى 9 سنوات | Phonics + كلمات + جرامر
المهارات الأساسية لطفل 6–9 سنة: إيه اللي يتعلمه بالضبط؟
في المرحلة دي من تعليم الإنجليزية للأطفال الطفل مش بيكون محتاج معلومات كتير قد ما محتاج تأسيس صحيح ومتدرّج يخليه يقدر يقرأ وينطق ويفهم لوحده، ودي أهم المهارات اللي طفلك لازم يتعلمها في السن ده عشان يتحول من طفل حافظ اللغة لطفل فاهمها وقادر يستخدمها بشكل فعلي:
1- النطق والفونيكس (Phonics & Pronunciation)
لو طفلك بيغلط في كلمات بسيطة زي cat أو بيخلط بين صوت /b/ و /p/، فده مش ضعف… ده معناه إن تأسيس الفونيكس لسه مش ثابت، الفونيكس ببساطة هو ربط شكل الحرف بصوته الحقيقي مش اسمه، وترتيب تعلمه في المرحلة دي بيكون كده:
- الحروف وأصواتها (Letters & Sounds): هنا الطفل بيتعلم صوت الحرف مش اسمه بس، عشان يقدر يركب كلمة بعد كده زي A = /æ/ في apple أو B = /b/ في ball.
- الحركات القصيرة (Short Vowels): الطفل هنا بيتعلم إن الحرف المتحرك ليه صوت قصير بيتغير حسب الكلمة، وده بيساعده يقرأ كلمات يومية بسيطة بشكل صحيح، والحروف المتحركة دي زي a في cat وe في bed وi في sit وo في hot وu في cup.
- الحركات الطويلة (Long Vowels): الطفل هنا بيبدأ يفهم إن وجود حرف زي “e” في الآخر بيغيّر صوت الحرف الأساسي ويخليه طويل، وده بيفتح له باب قراءة كلمات جديدة من غير حفظ زي a_e في cake وi_e في kite.
- الأصوات المركبة (Blends & Digraphs): ودي أصوات بتتكون من حرفين أو أكتر وبتتقال كصوت واحد، ودي مهمة جداً عشان الطفل يبدأ يقرأ جمل مش كلمات منفصلة، ومن أشهر الأمثلة عليها: bl في blue وsh في shop وch في chair.
تعليم الإنجليزية للأطفال لو مشي بالتدرج ده، الطفل مش هيحتاج يحفظ كل كلمة يقابلها، وهيبدأ يفك شفرة الكلمة بنفسه، وهو ده الهدف الحقيقي من الفونيكس.
تعرفي أيضا على: تعليم Short Vowels للأطفال: أنشطة وتمارين ممتعة لتقوية القراءة | Phonics للأطفال
2- المفردات (Vocabulary)
في المرحلة دي، الهدف مش إن الطفل يحفظ عدد كبير من الكلمات وبس… الهدف الحقيقي إنه يفهم الكلمة ويستخدمها في جملة من حياته اليومية.
يعني بدل ما يحفظ 1000 كلمة بسرعة وينساهم، الأفضل إن الطفل يتقن حوالي 200 كلمة أساسية ويقدر يوظفهم في الكلام والكتابة بشكل طبيعي، وده اللي بيعمل فرق حقيقي في مستواه، ودي أهم الكلمات اللي لازم يعرفها الطفل في السن ده:
- البيت والعائلة
- المدرسة والألعاب
- الطعام والشراب
- الأماكن والاتجاهات
- الأفعال والصفات اليومية
تعرفي أيضا على: كلمات انجليزي للاطفال: 100 كلمة مترجمة مع النطق + طريقة حفظها
3- مهارات القراءة (Reading Skills)
القراءة مش مهارة بتظهر فجأة أو بتتبني لوحدها، لكنها بتتكوّن خطوة خطوة وبشكل تدريجي، وكل مرحلة بتبني اللي بعدها، لحد ما الطفل يوصل إنه يقدر يقرأ كلمات وجمل بسيطة لوحده ويفهم معناها من غير مساعدة، ودي الكلمات اللي هتساعد طفلك في القراءة أثناء رحلة تعليم الإنجليزية للأطفال:
- CVC Words (3-letter words): زي cat – dog – pen – run.
- CVCE Words: زي cake – kite – hope – cute.
- الجمل البسيطة (Simple Sentences).
الفهم البسيط (Reading Comprehension)
اقرأي أيضا عن: تعليم قراءة إنجليزي للأطفال | ازاي تخلي طفلك يقرأ إنجليزي بطلاقة من الصفر 2026
4- الجرامر الأساسي (Basic Grammar)
في المرحلة دي من تعليم الإنجليزية للأطفال، الهدف مش إن الطفل يغرق في قواعد كتير أو يحفظ تفاصيل معقدة…. الهدف إنه يفهم شكل الجملة الأساسية ويستخدمها بشكل طبيعي، يعني يتعود يسمع الجملة الصح ويقولها من غير تفكير أو ترجمة، ودي أهم الحاجات اللي لازم يتعلمها:
- تركيب الجملة (Subject + Verb + Object).
- Verb to be (am / is / are).
- الأزمنة البسيطة (Simple Tenses).
- أدوات السؤال والنفي (Questions & Negation) زي: What / Where / Who + don’t / doesn’t / isn’t.
استكشفي أيضا : دليلك الشامل لتعليم طفلك أسس القراءة والكتابة الإنجليزية بطريقة ممتعة وفعّالة
5- التحدث والتواصل (Speaking)
التحدث هو المرحلة اللي بيظهر فيها مستوى الطفل الحقيقي في اللغة، لأنه بيحاول يستخدم اللي اتعلمه فعلاً في مواقف بسيطة من حياته اليومية، وده أهم جزء لأنه بيبني الثقة، وبيخلي الطفل يحس إنه قادر يتكلم إنجليزي مش بس يفهمه، كمان المرحلة دي هتساعد طفلك في:
- التعبير عن التحية والتفاعل الأساسي.
- التعريف بالنفس (Self-introduction) زي إنه يقول اسمه، وسنه، وحالته.
- التعبير عن المشاعر (Likes & dislikes) زي إنه يقول “I like apples.” = أنا بحب التفاح أو “I don’t like milk.” = أنا مش بحب اللبن.
- طلب الأشياء بشكل بسيط (Polite requests) زي إنه يقول: “Can I have water, please?” = ممكن أطلب مية من فضلك؟
الفكرة هنا إن الطفل لو اتدرب على الجمل البسيطة دي يومياً حتى لو 5 دقايق بس، مع الوقت هيبدأ يتكلم بثقة أكبر، ويستخدم اللغة بشكل طبيعي من غير تردد أو خوف.
قوائم الكلمات الأساسية الضرورية لتعليم الإنجليزية للأطفال من سن 6–9 سنوات
في السن ده، أهم حاجة مش كمية الكلمات، لكن إن الطفل يعرف يستخدمها في جمل ويفهم معناها في حياته اليومية عشان كده قسمنا الكلمات لـ 5 مجموعات أساسية، وكل يوم 5 كلمات كفاية للتثبيت:
المجموعة الأولى: البيت والعائلة
| English | Arabic |
|---|---|
| mum | ماما |
| dad | بابا |
| sister | أخت |
| brother | أخ |
| baby | طفل رضيع |
| grandfather | جد |
| grandmother | جدة |
| uncle | عم / خال |
| aunt | عمة / خالة |
| family | عائلة |
| home | منزل |
| house | بيت |
| room | غرفة |
| bedroom | غرفة نوم |
| kitchen | مطبخ |
| bathroom | حمام |
| living room | غرفة المعيشة |
| garden | حديقة |
| door | باب |
| window | نافذة |
| bed | سرير |
| chair | كرسي |
| table | طاولة |
| sofa | أريكة |
| lamp | مصباح |
| fridge | ثلاجة |
| TV | تلفاز |
| phone | هاتف |
| bag | حقيبة |
| key | مفتاح |
| clock | ساعة |
| mirror | مرآة |
| wall | حائط |
| floor | أرضية |
| ceiling | سقف |
| stairs | سلالم |
| shelf | رف |
| cupboard | خزانة |
| drawer | درج |
| mat | سجادة |
المجموعة التانية: المدرسة والألعاب
| English | Arabic |
|---|---|
| school | مدرسة |
| class | فصل |
| teacher | معلم / معلمة |
| student | طالب |
| pen | قلم |
| pencil | قلم رصاص |
| book | كتاب |
| notebook | كراسة |
| bag | حقيبة |
| ruler | مسطرة |
| eraser | ممحاة |
| scissors | مقص |
| glue | صمغ |
| paint | ألوان |
| board | سبورة |
| desk | مكتب |
| chair | كرسي |
| library | مكتبة |
| playground | ملعب |
| ball | كرة |
| game | لعبة |
| toy | لعبة |
| doll | دمية |
| car | سيارة |
| bike | دراجة |
| puzzle | أحجية |
| kite | طائرة ورقية |
| rope | حبل |
| drum | طبلة |
| bell | جرس |
| story | قصة |
| lesson | درس |
| test | اختبار |
| homework | واجب |
| friend | صديق |
| team | فريق |
| race | سباق |
| score | نتيجة |
| winner | فائز |
| prize | جائزة |
المجموعة التالتة: الطعام والشراب
| English | Arabic |
|---|---|
| apple | تفاح |
| banana | موز |
| orange | برتقال |
| grape | عنب |
| mango | مانجو |
| strawberry | فراولة |
| bread | خبز |
| rice | أرز |
| pasta | مكرونة |
| egg | بيض |
| chicken | دجاج |
| fish | سمك |
| meat | لحم |
| soup | شوربة |
| salad | سلطة |
| sandwich | ساندوتش |
| pizza | بيتزا |
| cake | كعك / كيك |
| biscuit | بسكويت |
| chocolate | شوكولاتة |
| milk | لبن |
| water | ماء |
| juice | عصير |
| tea | شاي |
| coffee | قهوة |
| sugar | سكر |
| salt | ملح |
| butter | زبدة |
| cheese | جبن |
| jam | مربى |
| honey | عسل |
| ice cream | آيس كريم |
| potato | بطاطس |
| tomato | طماطم |
| carrot | جزر |
| onion | بصل |
| corn | ذرة |
| bean | فاصوليا |
| pea | بسلة |
| lemon | ليمون |
المجموعة الرابعة: الأماكن والاتجاهات
| English | Arabic |
|---|---|
| home | منزل |
| school | مدرسة |
| park | حديقة |
| shop | متجر |
| market | سوق |
| hospital | مستشفى |
| mosque | مسجد |
| church | كنيسة |
| bank | بنك |
| library | مكتبة |
| restaurant | مطعم |
| hotel | فندق |
| airport | مطار |
| station | محطة |
| street | شارع |
| road | طريق |
| corner | زاوية |
| bridge | جسر |
| garden | حديقة |
| farm | مزرعة |
| zoo | حديقة حيوان |
| beach | شاطئ |
| city | مدينة |
| town | بلدة |
| village | قرية |
| country | دولة |
| left | يسار |
| right | يمين |
| up | أعلى |
| down | أسفل |
| in | داخل |
| out | خارج |
| next to | بجانب |
| behind | خلف |
| in front of | أمام |
| near | قريب |
| far | بعيد |
| here | هنا |
| there | هناك |
| everywhere | في كل مكان |
المجموعة الخامسة: الأفعال والصفات
| English | Arabic |
|---|---|
| eat | يأكل |
| drink | يشرب |
| sleep | ينام |
| wake | يستيقظ |
| run | يجري |
| walk | يمشي |
| jump | يقفز |
| sit | يجلس |
| stand | يقف |
| read | يقرأ |
| write | يكتب |
| draw | يرسم |
| play | يلعب |
| study | يذاكر |
| listen | يستمع |
| talk | يتكلم |
| ask | يسأل |
| answer | يجيب |
| help | يساعد |
| clean | ينظف |
| wash | يغسل |
| cook | يطبخ |
| buy | يشتري |
| carry | يحمل |
| open | يفتح |
| close | يغلق |
| big | كبير |
| small | صغير |
| tall | طويل |
| short | قصير |
| fast | سريع |
| slow | بطيء |
| happy | سعيد |
| sad | حزين |
| tired | متعب |
| hungry | جائع |
| thirsty | عطشان |
| hot | حار |
| cold | بارد |
| new | جديد |
أفضل التمارين والأنشطة المنزلية العملية
في السن ده، الطفل بيتعلم أسرع لما يحس إن الإنجليزي جزء من اللعب والكلام اليومي، مش عبارة عن حصة أو واجب تقيل، علشان كده الأنشطة العملية مهمة جداً، لأنها بتخلي الطفل يسمع ويتكلم ويقرأ ويتفاعل في نفس الوقت، ودي أهم التمارين والأنشطة اللي هتساعد طفلك يتعلم اللغة الإنجليزية بشكل ممتع:
- تمييز الأصوات (Sound Discrimination): في التمرين ده هتقولي لطفلك كلمتين شبه بعض جدًا زي: bat / bad أو cat / cap، وتخليه يحدد الصوت المختلف بينهم، والتمرين ده هيقوّي التمييز السمعي عنده ويساعده يسمع الفرق بين الأصوات الإنجليزية المتقاربة بسهولة.
- كمّل الحرف الناقص (Fill in the Gap): وفيه هتكتبي كلمات ناقص منها حرف زي: c_t / p_n / b_d، وتطلبي من طفلك يختار الحرف الصح ويقرأ الكلمة كاملة، والتمرين ده هيساعده يربط بين شكل الحرف وصوته بشكل أفضل.
- لعبة كلمات CVC (CVC Bingo): في النشاط ده هتعملي كروت فيها كلمات بسيطة زي: cat / dog / sit / pen، وبعدها تقولي الكلمة وهو يحاول يلاقيها ويحددها، واللعبة دي هتساعده يراجع الكلمات والنطق بطريقة ممتعة ومن غير ملل.
- البحث عن الأصوات في البيت (Phonics Hunt): هنا هتختاري صوت معين زي /s/، وتطلبي من طفلك يدور في البيت على حاجات بتبدأ بنفس الصوت زي: spoon / sofa / sock، والتمرين ده هيخليه يربط اللغة بالحاجات اللي حواليه بشكل طبيعي.
- صورة وجملة (Picture + Sentence): هتجيبي صورة بسيطة وتطلبي من طفلك يكوّن جملة قصيرة عنها زي: “The boy is playing football.”، والنشاط ده هيطوّر المفردات وتكوين الجمل عنده بشكل عملي.
- لعبة الأدوار (Role Play): في النشاط ده هتمثلوا مواقف بسيطة زي الشراء أو المدرسة، وتخلي طفلك يستخدم جمل إنجليزية قصيرة أثناء اللعب، وده هيزود ثقته في التحدث ويخليه يستخدم اللغة بشكل طبيعي.
- قراءة قصة قصيرة (Short Story Reading): في النشاط ده هتقرأوا قصة قصيرة مناسبة لسنه، وبعدها تسأليه أسئلة بسيطة عن القصة زي: مين الشخصيات؟ وإيه اللي حصل؟، والنشاط ده هيطوّر الفهم والاستيعاب بجانب القراءة.
- تحدي الوقت (Time Challenge): هتدي لطفلك مجموعة كلمات بسيطة وتشوفي هيقرأها في وقت قد إيه، وبعد كام يوم تعيدي التحدي مرة تانية، والتمرين ده هيخليه يلاحظ تطوره في السرعة والطلاقة بنفسه.
إزاي تصححي نطق طفلك؟ خطوات عملية هتفرق فعلاً
- متصححيش أثناء الكلام: سيبي طفلك يكمّل كلامه للآخر، وبعدها أعيدي الكلمة بالنطق الصحيح بهدوء ولطف بدل ما تقولي “غلط”.
- استخدمي التصحيح غير المباشر: لو قال الكلمة غلط، كرريها بشكل صحيح داخل الجملة عادي علشان يسمع النموذج الصح بدون إحراج.
- سجّليه بصوته كل فترة: سجّلي له قراءة قصيرة كل أسبوعين، ولما يسمع التسجيلات القديمة هيلاحظ تطوره بنفسه وده هيزود ثقته جدًا.
- ركّزي على خطأ واحد كل مرة: متحاوليش تصلحي كل الأخطاء مرة واحدة، اختاري صوت أو كلمة واحدة واشتغلوا عليها بهدوء.
- استخدمي الـ Workbook بعد الشرح مباشرة: بعد أي فيديو أو درس، خليه يطبق فورًا بتمرين أو نشاط علشان الصوت يثبت أسرع.
- كرري الكلمات في الحياة اليومية: استخدمي الكلمات الجديدة أثناء الكلام العادي علشان الطفل يسمع النطق الصحيح أكتر من مرة بشكل طبيعي.
- شجّعي أي تحسن بسيط: حتى لو النطق لسه مش كامل، امدحي المحاولة والتقدم علشان الطفل يفضل متحمس للكلام والتجربة.
7 علامات تدلك إن طفلك بيتقدم فعلاً في الإنجليزي
- دأ يقرأ كلمات جديدة لوحده: زي map / sit / dog من غير ما يسألك على النطق فورًا، وده معناه إنه بدأ يركب الأصوات بنفسه.
- بقى يفرق بين الأصوات المتشابهة: زي الفرق بين /b/ و /p/ في bat / pat أو /i/ و /e/ في sit / set، وده معناه إن التمييز السمعي عنده بيتطور.
- بدأ يكوّن جمل بسيطة: زي: “I like apples.” أو “The cat is big.”، وده مؤشر إنه بدأ يستخدم اللغة بشكل طبيعي.
- بقى ينطق الـ Short Vowels أوضح: زي: cat / bed / sit / hot من غير تطويل غلط للأصوات.
- بيقرأ كلمات CVC بسهولة: زي: cat / dog / pen / run بشكل أسرع ومن غير تهجئة طويلة.
- بدأ يستخدم كلمات إنجليزي في كلامه اليومي: زي: water / ball / book أثناء اللعب أو الكلام العادي.
- بقى يقرأ أو يتكلم بثقة أكتر: زي إنه يحاول يقرأ بصوت عالي أو يكرر الكلمات من نفسه من غير خوف كبير من الغلط.
تعرفي أيضا على: تعليم الإنجليزية للأطفال من 3 إلى 6 سنوات | دليل شامل للأمهات
كورسات وكتب ميس أميرة رشاد: إزاي تختاري الأنسب لطفلك؟
كورس Letters & Sounds + كتاب العمل (المستوى الأول)
لو طفلك حافظ الحروف لكن مش عارف ينطقها صح أو بيقرأ الكلمات بالحفظ فقط، فده أول كورس لازم تبدأي بيه، لأنه بيبني أساس الـ Phonics من البداية بشكل بسيط ومتدرج.
طفلك هيتعلم ايه في الكورس؟
- أصوات الحروف الصحيحة مش أسماءها بس.
- الفرق بين الأصوات المتشابهة زي: /b/ و /p/.
- بداية قراءة الكلمات باستخدام الأصوات.
- تحسين النطق والثقة في القراءة.
كورس الصوتيات والنطق – المستوى الثاني في اللغة الإنجليزية للأطفال أونلاين | Short Vowels
بعد ما الطفل يتعلم أصوات الحروف، بيبدأ هنا أول مرحلة قراءة حقيقية، لأن الكورس بيركز على الحركات القصيرة وقراءة كلمات CVC بسهولة.
طفلك هيتعلم ايه في الكورس؟
- أصوات الـ Short Vowels الخمسة.
- قراءة كلمات زي: cat / bed / sit / hot / cup.
- الفرق بين كلمات متشابهة زي: pin / pen.
- تكوين جمل بسيطة باستخدام الكلمات.
كورس Long Vowels & Magic E + كتاب العمل (المستوى الثالث)
الكورس ده بينقل الطفل من القراءة البسيطة لمرحلة أقوى، لأنه بيعلمه إزاي حرف e في آخر الكلمة يغيّر النطق والمعنى بالكامل كمان هيعلمه:
- قاعدة Magic E بطريقة سهلة.
- قراءة كلمات زي: cake / kite / home / cube.
- الفرق بين الـ Short والـ Long Vowels.
- قراءة كلمات أطول بثقة أكبر.
كورس Blends & Digraphs + كتاب العمل (المستوى الرابع)
المرحلة دي مهمة جدًا لأنها بتعلّم الطفل الأصوات المركبة اللي موجودة في أغلب الكلمات الإنجليزية اليومية كمان الكورس هيساعد طفلك يتعلم:
- أصوات زي: sh / ch / th.
- الـ Blends زي: bl / st / gr.
- قراءة كلمات أطول بدون تهجئة.
- تحسين الطلاقة والنطق الطبيعي.
كتاب Grammar Knots
الكتاب ده مبسط جدا وبيساعد الطفل يفهم الجرامر بشكل عملي بعيد عن الحفظ والتعقيد وبيركز على:
- Verb to be.
- الضمائر الأساسية.
- تكوين الجمل البسيطة.
- Present Simple بطريقة سهلة.
ومناسب للأطفال اللي:
- بيكوّنوا جمل ناقصة.
- بيغلطوا في ترتيب الجملة.
- محتاجين يقوّوا الكتابة والتعبير.
الخلاصة
تعليم الإنجليزية للأطفال من 6–9 سنوات مش مجرد حفظ كلمات أو مذاكرة للامتحان، لكنه مرحلة تأسيس حقيقية بتبني النطق، والقراءة، والفهم، والثقة في استخدام اللغة بشكل طبيعي.
ولما الطفل يتعلم بالتدرج الصح، من الأصوات والحروف لحد الجمل والقراءة، بيبدأ يفهم الإنجليزي بدل ما يحفظه، وده اللي بيخلّي التعلم أسهل وأسرع على المدى الطويل.
علشان كده كورسات وكتب ميس أميرة رشاد معمولة كخطة متكاملة تساعد طفلك يتأسس خطوة خطوة، بداية من الـ Phonics والنطق، لحد القراءة، والمفردات، والجرامر، مع أنشطة وتمارين عملية تثبت التعلم بشكل ممتع وبسيط.
الأسئلة الشائعة عن تعليم الإنجليزية للأطفال في سن 6–9 سنوات
ابدئي مباشرة من المستوى الأول: Letters & Sounds لأن الأساس لازم يتبني من البداية لو مش موجود، لأن الطفل من غيره مش هيقدر يقرأ أو ينطق صح.
الأفضل أيوة، لأنهم بيكملوا بعض فالكورس بيدي الشرح والتوضيح، والكتاب بيحوّل الكلام لتطبيق، لكن لو الميزانية محدودة، ابدئي بالكورس الأول، وبعدها ضيفي الكتاب خطوة خطوة مع تقدم الطفل.
